СДС и ДУИ да кажат во чии џебови оделе парите кои сега се прибираат во државната каса.Десетици милиони евра повеќе се собрани во државната каса од страна на УЈП, Царинската Управа и Јавното претпријатие за државни патишта во месец јули оваа година во споредба со истиот месец лани вели пратеникот на ВМРО-ДПМНЕ Бојан Стојаноски.
Јавното претпријатие за државни патишта во јули наплатило 16 милиони денари повеќе од патарини оваа година во споредба со лани.
– Царинската управа наплатила 12 милијарди денари во месец јули, што е рекордна наплата на оваа институција било кога од нејзиното постење. Пикот во собирање приходи го има и УЈП, каде се наплатени 13.4 милијарди денари, што е исто тако рекорд. Комбинираниот приход на УЈП и Царинската управа е над 25.4 милијарди денари, што е над 415 милиони евра. Власта на СДС и ДУИ покрај на тендери и матни зделки ја крадела државата и преку ненаплаќање на даноци и царини, рече Стојаноски.