Кум за празникот Богојавление Водици на 19-ти јануари во Охрид ќе биде приватниот бизнисмен Стојан Ѓоргоски. Во име на кумството, тој на Свети Пантелјмон на Плаошник ќе му подари 10 илјади евра со цел разубавување на манастирот, а на Здружението Богојавление, кое што е организатор на манифестацијата Водици, ќе му подари 2 илјади евра
Ѓоргоски рече дека сака да помогне црквата на Плаошник да биде една од најубавите во Македонија и пошироко и оти со задоволство се нафатил да биде кум на годинешната манифестација.
На 20-ти јануари, денот на рибарите ќе се приготвуваат пет тони рибја чорба, за која веќе е поднесена апликација до Гинис, да биде прогласена за најголемо количество рибја чорба досега подготвена.
И покрај поканата од Богојавление до рускиот претседател Владимир Путин, да присуствува на манифестацијата, засега нема никаков одговор од нивна страна, а организаторите се надеваат дека ако ништо друго, Путин ќе пушти свои преставници во Охрид
И понатаму останува желбата на организаторите, манифестацијата да прерасне во централна манифестација во Македонија, а во иднина и централна манифестација за целиот православен свет.