Амбасадата на Словачката Република во Скопје известува за повик за апликации за стипендии во рамки на Словачката национална програма за мобилност (Slovak National Mobility Programme).
– Повикот се однесува на студиски престој на странски студенти, студенти на докторски студии, универзитетски професори, истражувачи и уметници на словачките високообразовни институции и истражувачки организации, за академската 2021/2022 година, објави Министерството за образование и наука на својата веб-страница.
Информации за условите за стипендиите на Словачката национална програма за мобилност се објавени на веб-страниците www.stipendia.sk и www.scholarship.sk
Апликациите треба да бидат доставени електронски на веб-страницата: www.scholarship.sk, најдоцна до 31 октомври 2021 година, до 16 часот по централно европско време. За дополнителни информации заинтересираните може да се обратат на мејлот [email protected].