Словачкиот премиер Роберт Фицо им наложи на министрите за надворешни работи, економија и правда да анализираат опции за поднесување тужба против Европската Унија во врска со плановите на заедницата за суспендирање на испораките на руски гас почнувајќи од 2028 година, објави Ројтерс.
„Владата ќе го разгледа документот следната недела, а ние ќе ја разгледаме и можноста за поднесување тужба“, рече Фицо, цитиран од агенцијата.
Тој додаде дека правната постапка ќе зависи од одлуката на Европската комисија и гаранциите за Словачка.
Сепак, според „Ројтерс“, премиерот не го прецизираше износот на планираната тужба ниту правната основа врз која ќе биде поднесена.
Во октомври, Советот на ЕУ одобри фазна забрана за сите купувања на руски гас почнувајќи од 1 јануари 2028 година. Забраната се однесува и на гас што се испорачува преку цевководи и на течен природен гас.