За ексградоначалникот на Карпош се бара притвор поради незаконското спроведување на три тендери за општинските бараки и плоштадот во Жданец, во чии рамки не била активирана банкарска гаранција.
Откако екипите на финансиската полиција го напуштиле синоќа домот на Јакимовски, тој веднаш по нив и заедно со својот адвокат Виктор Цветковски заминал на распит во Кривичниот суд кај судија на претходна постапка.
– Половина час пред полноќ Стевчо Јакимовски е лишен од слобода и во следните 24 часа мора да биде изведен пред судија на претходна постапка, во меѓувреме ќе биде во полициската станица. Сметаме дека нема доказ за злоупотреба на службената положба, ова е атак на неговиот политички ангажман, кој не е случајно одбран. Кога е судска ферија во август, кога институциите работат со редуцирани одмори, некому му текна дека Стевчо Јакимовски треба да се апси во месец август, сето тоа потврдува дека ова е атак на неговото политичко делување, изјави синоќа неговиот адвокат Виктор Цветковски.