Стефанова: Се што знам за „Рекет“ кажав пред обвинителката

Од:

Обвинителката Лиле Стефанова по распитот во Обвинителството кој траеше 5 часа рече дека кажала се што знаела. Таа рече дека пред надлежната обвинителка Ивана Трајчева објаснила за случајот „Империја” и поврзаноста на предметот со случајот “Рекет”.

„Сосема сум свесна за oгромниот интерес на јавноста и сите допирни точки на рекет со „Империја“. Се што може да кажам јас го споделив во даденото соопштение во петокот. Дојдов овде во 9 часот до сега како сведок. Се што ми е познато за случајов кажав. Имајќи го впревид дека сум сведок не можам да дадам друга изјава”, рече Стефанова.

Oбвинителката од СЈО не даде одговор на новинарските прашања и по изјавата замина.

Стефанова и специјалната обвинителка Катица Јанева беа спомнати во снимените разговори и видеата што ги објави интернет-изданието на италијанскиот весник „Ла верита”, а во врска со случаите „Рекет” и „Империја”.

Лиле Стефанова е обвинителката за предметот „Империја“, каде што осомничени се Орце Камчев и Цветан Панделески. Во една од снимките што се објавени од италијанскиот весник „Ла верита”, поврзани со случајот „Рекет”, шефицата во оставка на СЈО, Катица Јанева, вели дека ја има под контрола Лиле Стефанова, обраќајќи му се на бизнисменот Орце Камчев, кој е осомничен во предметот „Империја”, кој го води Стефанова.

Обвинителката Стефанова преку писмена изјава во изминатите денови рече дека Јанева без нејзино знаење носела одлуки за случајот „Империја”, потсетувајќи дека барањето за издавање времен пасош било одобрено без таа да дaде согласност. Дополнително, обвинителката Јанева на состанок со обвинителите побарала предметот да се затвори и никој да не оди во затвор.

Би можело да ве интересира

ОЈО бара притвор за извршителка од Кичево, осомничена е за три кривични дела

Горан Наумовски

Лани поднесени обвиненија за половина од примените пријави за злоупотреба на лични податоци

Александар Тодески

Обвинителството бара притвор за двајца дилери од Скопје и Велес

За несреќата надлежно е бугарското обвинителство, овој предмет е за фалсификување на исправата, вели обвинителот во предметот „Беса Транс“

Кривичен го препрати предметот против Мерко во струшкиот суд: Не биле надлежни тие, туку судот во чие подрачје се извршило делото

ОЈО со детали за операцијата „Чибук“: Истрага против најмалку десет лица

А1он