Стаменковска бара оставка од Манчевски и Филипче

Од:

Дополнителната заменичка – министерка за информатичко општество и администрација Невенка Стаменковска-Стојковски преку својот Фејсбук профил денеска побара оставка од министерот за информатичко општество и администрација Дамјан Манчевски и од министерот за здравство Венко Филипче.

Саменковска во статусот на Фејсбук, реагирајќи на изјава на министерот за информатичко општество и администрација Дамјан Манечевски, наведува дека позитивен случај на КОВИД 19 е потврден и во Министерството за информатичко општество и администрација и во неколку други државни институции.

– Скандалозна и политичка е објавата на Дамјан Манчевски чиј приоритет е партијата и тесно партиски цели на СДСМ, а не вработените во јавниот сектор. И после оваа реакција можам само да заклучам дека заслепениот Дамјан Манчевски единствено се грижи за партиската агенда зошто каде било да се сврти ќе ги види институциите кои секој ден се вбројуваат во нови кластери а подрачните центри на ПИОМ и ФЗО веќе ставија клуч на врата. Дали Манчевски знае дека во институцијата во која тој е министер за жал веќе имаме позитивен случај на Ковид-19?, пишува Стаменковска.

Наведува дека позитивни случаи се потврдени во Град Скопје, Државниот просветен инспекторат, Агенцијата за храна и ветеринарство, Секретаријатот за европски прашања, Државниот здравствен и санитарен инспекторат, Општина Гази Баба, Државниот инспекторат за труд…..

– И колку Манчевски треба да набројуваме за да разберете дека јавниот сектор е оставен сам на себе, а соодветни мерки за заштита нема, се задоцнети или се недоволни, напиша Стаменковска на Фејсбук.

Би можело да ве интересира

(ВИДЕО) Филипче: Владината коалиција е нефункционална, тоа граѓаните секојдневно го чувствуваат на своја кожа

(ВИДЕО) Филипче: За прв пат после 50 години се реконструира спортската сала „Работнички“

Филипче: Велигден дава сила и надеж за справување со предизвиците, за нови и подобри почетоци

ВМРО-ДПМНE: Филипче, Заев и СДС да одговорат како се стига до златна виза во Дубаи

А1он

ВМРО-ДПМНЕ: Да се извини Филипче и СДС што го лажеше народот дека „Бугари во Устав” се единствениот услов за напредок на државата

Левица: Фамилиите Заеви, Филипче, Мицкоски со заедничка среќна дестинација – бугарски фирми во Петрич