ЗНМ е згрозен од настанот во Собранието, кога новинарите беа исфрлени од галеријата на собраниската сала, со што им беше оневозможено да ги извршуваат своите задачи и да за информираат јавноста, реагираа претседателот на ЗНМ, Насер Селмани, пред Собранието, заедно со Тамара Чаушидис, претседателката на Самостојниот синдикат на новинарите и медиумските работници на Македонија (ССНМ). Тие побараа на новинарите да им се дозволи да ги ги извршат обврските.
– Ова е претседан, новинарите беа тука за да ја информираат јавноста а беа грубо попречени во работата. Ова е прекршување на правото на јавноста да биде информирана – рече Чаушидис.
– Треба да се замислат политичарите каква слика се праќа на меѓународната заедница. Новинарите во оваа ситуација беа искористени за политички пресметки – рече Селмани.
Чаушидис потенцираше дека двете новинарски тела ќе ги информираат меѓународните институции за денешните настани.
