Средношколците од „Ибраим Темо“ бараат притвор за професорот што претепа ученик

Од:

Средношколците од гимназијата „Ибраим Темо“ од Струга денеска ја бојкотираат наставата и со мирен протест пред Основниот суд во Струга изразија незадоволство од одлуката за неодредување мерка притвор за професорот што вчера повреди ученик во училиштето.

dobivaj vesti na viber

Протестот, како што посочуваат, е за случајот да не се повтори, професорот да го добие заслуженото, за тие да се чувствуваат безбедно кога одат на училиште.

-Ги браниме нашите права, случајот од вчера да не се повтори пак. Тука сме професорот да го добие тоа што го заслужи, да добие притвор. Ние не се согласуваме да биде пуштен. Судот да му додели притвор. Ние не сакаме да одиме со страв во школо, родителите нема да не пуштаат. Ако професорот е на слобода, ние нема да сме безбедни, изјави Сара Кадриоска, ученичка во „Ибраим Темо“.

Полицијата, како што соопшти СВР Охрид, вчера го привела 57-годишниот Е.С., професор по англиски јазик во струшката гимназија. Лицето било задржано синоќа во полициската станица во Охрид, но според информациите, сега е на слобода.

-СВР Охрид денеска поднесе кривична пријава против Е.С. (57) од Струга поради постоење основи на сомнение за сторено казнено дело „насилство“. Кривичната пријава е поднесена до ОЈО Струга, изјави портпаролот на СВР Охрид Стефан Димоски.

Од Основното јавно обвинителство за МИА информираат дека се дадени соодветни насоки и наредби за преземање дејствија од страна на МВР.

-По преземањето на дејствијата расчистување на случајот ќе биде донесена соодветна одлука. Мерка притвор до овој момент не е побарана, но се преземаат дејствија за расчистување на настанот, потврдија од ОЈО.

Инцидентот се случил вчера околу 13:30 часот, кога професорот Е.С. (57) со метален предмет го удрил средношколецот по главата. Детето било примено на одделението за Хирургија каде било сошиено, а професорот бил приведен. Според директорката на средното училиште „Ибраим Темо“ Бесиме Јонузи, се работело за проблематичен професор, против кој неколку пати биле поведувани дисциплински постапки и бил пријавуван во надлежните институции.

Би можело да ве интересира

Притвор за крадец на уметнички слики

Товарен воз прегази мигранти кои лежеле на пругата кај Миравци

Ана Ололовска

Приведено лице барано со потерница, осудено на речиси шест години казна затвор

А1он

Двајца загинати откако со трактор излетале од пат во Струмичко

Ана Ололовска

Скопјанка загина во тешка несреќа на скопската обиколница, три лица се пренесени во болница

Ана Ололовска

ВИДЕО: На Табановце приведени дилери, во БМВ пренесувале кокаин, хашиш и марихуана

Катерина Павлова-Николовска