Средба Спасовски-Филипче: Полицајците се приоритетни за вакцинација

Од:

Раководствата на министерствата за внатрешни работи и за здравство денеска одржаа работен состанок, на кој биле презицирани термините и постапката за отпочнување на вакцинацијата на полициските службеници, особено на оние кои се директно изложени и учествуваат во борбата за спречување на ширењето на пандемијата со коронавирусот.

На состанокот, како што информираат од МВР, меѓу другото е истакната и потребата од заедничка средба со верските лидери во земјава, во пресрет на престојните рамазански и велигденски празнувања.

Министерот за здравство Венко Филипче потврдил дека вакцинацијата продолжува според националниот план за вакцинирање на приоритетните групи, а во оваа фаза започнува вакцинацијата на повозрасната група граѓани.

Со оглед на влошувањето на епидемиолошката состојба во земјата, на средбата, се вели во соопштението, е утврдена и потребата од приоритетно вакцинирање на сите полициски службеници.

Министерот Спасовски потенцирал дека Министерството за внатрешни работи е подготвено со своите логистички, медицински и инфраструктурни капацитети да учествува во реализацијата на овој процес.

Работната средба е одржана во МВР, на покана на министерот Оливер Спасовски.

Би можело да ве интересира

Филипче: Мицкоски да одговори зошто со законски измени се брише одредбата за уплата на 6% во вториот столб?

Филипче на Конференција за проширувањето на ЕУ во Унгарија

Тројца полицајци претепаа дете затоа што возеше мотоцикл без дозвола

Горан Наумовски

ВМРО-ДПМНЕ: Филипче и СДС бегаат од надзорна расправа за Алта банка и продолжуваат да лажат дека банката имала забрана за работа во ЕУ

(ВИДЕО) Филипче: Македонија на дното, 41 место во Европа – ММФ ги разби бајките на Мицкоски за трета економија

Горан Наумовски

Филипче за Извештајот на ЕК: Сè е полошо

Горан Наумовски