Средба Спасовски-Бејли: Приоритет на министерството ќе биде реформата на безбедносните сили

Од:

Министерот за внатрешни работи Оливер Спасовски одржа работна средба со амбасадорот на САД во Република Македонија, Џес Бејли.

Амбасадорот Бејли ги упати своите искрени честитки по повод изборот на Спасовски за министер за внатрешни работи и изрази уверување дека во текот на мандатот ќе бидат постигнати значајни резултати, кои ќе претставуваат успех за министерството, но и за граѓаните на Република Македонија.

Министерот Спасовски се заблагодари на честитките, но воедно се заблагодари и за досегашната помош и ангажман на Амбасадата на САД и на амбасадорот Бејли во справувањето со политичката криза во Република Македонија. Спасовски истакна дека САД се постојани и сигурни партнери на Република Македонија и дека очекува и во иднина да продолжи досегашната соработка во областа на полициските работи.

Амбасадорот Бејли и министерот Спасовски се согласија дека приоритет на министерството, но и на Владата на Република Македонија ќе биде реформата на безбедносните служби, преку која ќе се овозможи воспоставување на професионална служба која нема да биде под негативни политички влијанија. Исто така, тие истакнаа дека е особено значајно Министерството за внатрешни работи да ги почитува професионалните стандарди и системот на кариера за вработените.

Соговорниците потенцираа дека од особена важност е соработката помеѓу двете земји во борбата против тероризмот и насилниот екстремизам, но и против корупцијата и криминалот.

Би можело да ве интересира

(ВИДЕО) По наредба на Трамп, во Чикаго пристигнаа припадниците на Националната гарда

Лебланк: Трамп и Карни постигнаа напредок во преговорите, договорите не се блиску

Каракас: Американските борбени авиони се закана за безбедноста на Венецуела

Кривична пријава за членка на Судски совет, 15 пати зела парти за превоз, а ќерка и имала стан во Скопје

Катерина Ѓуровски

МВР: Од 12 октомври нов систем за влез/излез од ЕУ, со што сè треба да се подготват патниците

Горан Наумовски

Владата на САД е блокирана за прв пат по речиси седум години

Горан Наумовски