Средба на НАкС со Адеми за платите во високото образование и науката

Од:

Независниот академски синдикат (НАкС) соопшти дека негови претставници вчера имале средба со министерот за образование и наука Арбер Адеми, на која изразиле несогласување со зголемување од пет проценти на платите во високото образование и науката од страна на Владата предвидено за септември оваа година.

-НАкС смета дека предвидените 5 отсто, и тоа од септември 2019, ни оддалеку нема да го ублажи растечкото незадоволство на вработените ниту, пак, ќе го реши проблемот со неатрактивноста за младите кадри, како и одливот на постоечките квалитетни кадри од овој исклучително значаен сектор за развој на општеството во целина, наведува НАкС во соопштение.

Од Адеми побарале висината на платите да се пресметува согласно минималната плата во Република Македонија помножена со соодветен коефициент за секое звање, а коефициентот за звањето редовен професор да изнесува најмалку 5; интервентно покачување на платите во висина од 20 проценти, за што на министерот му понудиле проекција на буџетското зафаќање; алтернативен, скалест модел на пресметка на буџетските издвојувања за платите на вработените во високото образование и науката. Според НАкС, доколку ваквиот модел се спроведе во вид на системска промена, на подолг рок би се анулирала неправедната нееднаквост на платите, без прекумерни буџетски импликации.

На средбата со ресорниот министер тие изразиле подготвеност да понудат соработка и стручна помош при изнаоѓањето модуси за решавање на прашањето за покачување на платите во високото образование.

Би можело да ве интересира

МОН со препораки до образовните институции за коронавирусот

Ана Ололовска

Програма за техничка соработка со МААЕ за 2022-2023, пријавување предлог-проекти до 20 април

Ана Ололовска

НАкС: На универзитетите постои системска корупција поради немање критериуми за финансирање

Ана Ололовска

Адеми: Доколку е потребно, можно е пролонгирање на наставата

Ана Ололовска

Отворено писмо на НАкС до премиерот: Веднаш да започне исплатата на минат труд од основниот буџет на МОН

Ана Ололовска

Независниот академски синдикат бара Собранието да расправа за ветеното покачување на платите

Драган Поповски