Средба на Ахмети со бугарскиот амбасадор: Бугарите се реалност во Македонија и треба да влезат во уставот

Од:

Во седиштето на Демократската унија за интеграција, претседателот на ДУИ, Али Ахмети, го прими новиот амбасадор на Бугарија во Скопје, Жељазко Радуков.

Претседателот Ахмети му честитал на амбасадорот Радуков за враќањето во Северна Македонија и го увери дека блиската соработка во поглед на европската иднина и добрососедството ќе продолжи уште повеќе. Ахмети и Радуков разговарале за преговарачката рамка на Европската унија и интеграцијата на земјата во ЕУ, како и за актуелната политичка состојба во земјата и регионот инфромираат од ДУИ.

– Преговарачката рамка одобрена од Европската унија е јасна и мора да се спроведе за да го продолжиме нашето патување кон Брисел. Бугарската заедница во Северна Македонија е реалност и треба да биде вклучена во Уставот, а од ова никој ништо не губи, напротив, сите добиваат. Приоритет на ДУИ е токму продолжување на европскиот пат, затоа уставните измени мора веднаш да се случат бидејќи граѓаните очекуваат да станеме дел од Европската Унија.

Ахмети повтори дека Охридскиот договор, Договорот од Преспа и Договорот за добрососедство се одредби на ДУИ и ќе се ангажира за нивна поддршка и имплементација.

Ахмети и Рудаков разговараа и за политичката состојба во земјата, при што Ахмети зборуваше за тенденцијата на власта со моноетнички легитимитет и на надгласувачкиот Уставен суд целосно да го прекрши Охридскиот договор, неговиот дух и социјалната кохезија кај нас со наметнување етничка надмоќ.

Ова е неприфатливо. „Чесните“ и претпочитани Албанци избрани од ВМРО ДПМНЕ се откажаа од Европа, но и од еднаквоста, омаловажувајќи ги и понижувајќи ги Албанците за нивните лични корумпирани мотиви, се вели во известувањето од ДУИ за средбата.

Би можело да ве интересира

Мицкоски со совет до Ахмети: Да гледаме во иднината, а не во минатото

Горан Наумовски

ДС: МВР да го спречи Ахмети да предизвика безбедносна криза

Влен: ДУИ е разочарана, пропадна планот да го поништат Законот за јазиците

Горан Наумовски

Реакција на ВРЕДИ на изјава на Ахмети: Ни „улицата“ нема да го спаси

А1он

Ахмети: Го цениме потегот на Таравари, тој брзо сфати тека оваа влада е антиалбанска

Села: Нема ништо лошо во средбите на Ахмети со Таравари, целиот албански политички фактор треба да се обедини