Претседателот на Демократската унија за интеграција Али Ахмети денеска остварил средба со шефица на ОБСЕ во Скопје, амбасадорката Нина Соумалаинен, на која таа изразила интерес за процесот на спроведување на локалните избори и предизборната кампања, законот за употреба на јазиците и напредокот на реформите во земјата.
Како што соопшти ДУИ, Ахмети на средбата оценил дека процесот на изборната кампања се одвива добро и без никаков спор од страна на учесниците во трката.
– ДУИ е заинтересирана за фер, демократски изборен процес и прифатлив за сите страни, било посочено на средбата.
Во однос на дебатата за законот за употреба на јазиците, посочено било дека таа е прекината привремено за да не се злоупотребува Собранието за изборна кампања, а во врска со реформите, дека ДУИ е посветена за нивна целосна имплементација, стои во соопштението.
