Белградска „Пинк“ телевизија, треба да се извини зошто место уставното име, ја именуваше нашата држава со БЈРМ, ова е ставот и одговорот на Советот за радиодифузија, до кабелскиот оператор СИЗ МK НЕТ, преку кој е побарано во Македонија да бидат реемитувани четирите телевизии – „Пинк плус“, „Пинк екстра“, „Пинк мјузик“ и „Пинк фолк“.
СРД бара и телевизијата да го плати долгот кон Советот, кој изнесува околу два милиони денари и да ги исплати 8-те плати на поранешните вработени од „Пинк 15“.
Советот за радиодифузија побара и измени во Законот за радиодифузија. Сметаат дека измените, можат да го подобрат работењето на телото, но и да придонесат кон поквалитетни и поодговорни медиуми.
СРД предлага казна за авторите на емисии, а не за медиумот, како што е сега.