Спречен шверц на брендирани часовници: Возачот рекол дека се лекови за болно дете

Од:

Дваесет часовници во вредност од 178.050 денари со потпис на познати модни брендови се запленети од страна на царинските службеници по извршена контрола на автомобил со македонски регистарски таблички на граничен премин Ново Село. Часовниците се откриени во картонска кутија за која лицето кое управувало со автомобилот изјавило дека е пратка со лекови која ја испратил негов пријател за болно дете.

По откривање на непријавените часовници лицето, инаку македонски државјанин, изјавило дека истите се купени од Швајцарија. Одземените часовници ќе бидат предадени во Агенцијата за управување со одземен имот, а против лицето е поднесена соодветна пријава за прекршување на царинската регулатива.

Царинската управа и натаму во рамки на своите надлежности спроведува активности за поддршка на легалната економија и сузбивање на сивата економија.

Би можело да ве интересира

На граничните премини Табановце, Богородица и Дојран се чека до еден час

АМСМ: Нема подолги задржувања на граничните премини

Маск и понуди милиони долари на инфлуенсерката Сент Клер за да го прикрие раѓањето на нивниот син

Горан Наумовски

(ВИДЕО) Спречен обид за криумчарење 6,4 килограми сребро

Горан Наумовски

Косовец на полицаец му дал 10 евра поткуп, па завршил во станица

Горан Наумовски

За викендот рекордни над 11.000 патници на Г.П. „Блато“