Спасовски: Реконструкцијата на колекторот ќе биде завршена во предвидениот рок

Од:

Работите за санација и реконструкција на колекторскиот систем долж крајбрежјето на Охридското Езеро што започнаа во декември минатата година се одвиваат според планот и уште ова лето езерото ќе има чиста и безбедна вода за капење, констатирано е на увидот во напредокот на работите на чистење и реконструкција на колекторскиот систем во Охридско-струшкиот регион, што денеска го направија премиерот Оливер Спасовски, заедно со министерот без ресор Едмонд Адеми и директорот на Јавното претпријатие „Колекторски систем“ Владимир Алексијоски.

Работите за санација и реконструкција на колекторскиот систем започнаа на потегот од тунелот на патот Охрид – Пештани, кај Свети Стефан до Билјанини извори, и во должина од повеќе од два километра цевките на колекторот се исчистени од корења, градежен шут и друг талог.

На овој потег дури за 80 отсто беше намалена функцијата на колекторскиот систем, и затоа на местата каде што цевките беа скршени или сериозно оштетени се пристапи кон санација според системот „цевка во цевка“ и со тоа се обезбеди нормален, целосен проток на водите за прочистување.

За системот за прочистување на отпадните води во Охридското Езеро не се водеше грижа со години наназад и тој беше уништен.

Несеопфатната реализација и негрижата за одржувањето на колекторскиот систем создадоа сериозни еколошки штети и закани за Охридското Езеро и за природните убавини и реткости во неговото опкружување.

Во наредните пет месеци, ќе го поправиме тоа што со години беше запуштено од негрижа и недејствување.

За оваа намена се обезбедени 4,2 милиони евра од Буџетот на граѓаните на нашата земја, истакна во изјава за медиумите премиерот Спасовски, кој увидот во работите за санација на колекторскиот систем го направи како дел од агендата на 7-мата седница на Владата што денеска се одржува во Охрид.

Во активностите до крајот на овој месец се вклучени работите на санацијата на делниците од Лагадин кон Пештани, како и од населбата Далјан до Подмоље. Веднаш потоа ќе стартуваат и работите по целата останата должина на колекторот долж охридско-струшкиот брег.

Паралелно со овие реконструкциски и санациски работи се сервисираат и редукторите на пумпите на пречистителните станици за обезбедување на целосната функција на колекторскиот систем

Би можело да ве интересира

Побарани казни за двајца непочитувачи на здравствените прописи во Охрид

Ана Ололовска

Мерки на Кризниот штаб во Охрид за престојните забрани за движење во викендите

А1он

Во Општата болница во Охрид шест лица со симптоми на Ковид-19

Ана Ололовска

Ако не се почитуваат постојните, Владата ќе предложи построги мерки за ограничување на движењето

Кристијан Ландов

Спасовски: Здравствените работници да ја носат заштитната опрема, донаторите да се насочат кон потребите на здравствениот систем

А1он

Спасовски до кумановци: Останете присебни, нема простор за паника заради полицискиот час

А1он