Монструмите кои ја киднапираа и ја убија 14-годишната Вања Ѓорчевска откако таткото им дал информации кога излегува на училиште, ја начекале девојката во влезот од зградата во која живеела, ја врзале за рацете и нозете и ја ставиле во вреќа за спиење, објасни нови детали од истрагата министерот за внатрешни работи, Оливер Спасовски.
– Возилото Цитроен во сопственост на Панче Жежовски од Велес и уште едно, возило Рено Канго се забележани како се движат заедно за првпат на 27 ноември, дотогаш немавме пријава дека колата му е исчезната. Со врзани раце на нозе и во една вреќа за спиење го изнесуваат надвор девојчето и го ставаат во гепек. Пред возилото Цитроен се наоѓа возилото Рено Канго кое цело време се движи пред нив. Однесена е надвор од Скопје, извршено е убиството и возилото е запалено – рече Спасовски.
Спасовски откри дека извршен е претрес на една политичка партија на која тие биле членови, но не кажа дали мотивот бил да се изнудат пари од мајката за да се финансира партијата.
