Спасовски и Апостолска: Владата направи пресврт во поддршката на бизнисите

Од:

Премиерот Спасовски и министерката без ресор задолжена за странски инвестиции Апостолска заедно со градоначалникот на Охрид, Георгиевски денеска ја посетија “ЛТХ Леарница”, компанија со словенечки капитал која се занимава со леење и машинска обработка на алуминиумски компоненти наменети за автомобилската индустрија.

Компанијата во 2018 година започнува нова инвестиција од 15,3 милиони евра, со која се прошируваат производствените капацитети, а постоечките 500 работни места се надополнат со 58 нови работни места.

Владините претставници беа информирани од страна на менаџментот на компанијата за идните развојни планови на компанијата.

Спасовски и Апостолска заеднички констатирале дека новиот инвестициски циклус во леарницата е доказ за реалните ефекти во економијата што Владата ги испорачува со своите политики за поддршката на бизнис секторот.

Разговаравме за тоа колку е важно партнерството меѓу бизнис заедницата и Владата, меѓу работодавачите и работниците.

Тоа партнерство дава резултати. Успешно е тоа што нудиме финансиска поддршка во делот на производството, таа можност ја користи и “ЛТХ Леарница”.

Не информираа за нивните развојни планови во делот на градба на нови капацитети и набавка на нови машини, со цел да се зголеми производството и да се зголеми бројот на вработени.

Според овој план ќе имаме дополнителни нови 58 вработувања, што ќе ја надмине моменталната бројката од 500 вработени, тоа е значајно не само за Охрид, туку и за државата.

Ова нека биде поттик и за сите стопански субјекти да ги искористат добрите бизнис политики од страна на Владата и заеднички низ еден партнерски однос да си помогнеме и во делот на развојот на бизнисот и во економскиот напредок на Република Северна Македонија, изјави Спасовски.

Би можело да ве интересира

Бесполезни се планирања и очекувања од туристичка сезона во Охрид во услови на вонредна ситуација

А1он

Постапка поради прекршување на полицискиот час во Охрид

Ана Ололовска

Спасовски: Никој не смее и нема право да биде насилен кон друг човек

А1он

Спасовски: Работниците да не потпишуваат откази, а работодавците да покажат солидарност

А1он

Дополнителна поддршка за економијата од осум милиони евра за обртни средства и 50 милиони за заштита на ликвидноста

А1он

Финансиска поддршка за приватните фирми за исплата на плати од 14.500 денари за април и мај

А1он