Совет на амбасадори: Владата нека нѐ праша за нова стратегија со Бугарија, досегашната не дава плод

Од:

Многупати повторената констатација на Комисијата на ЕУ дека на земјите на Западен Балкан местото им е во Унијата без конкретни резултати е неисполнување на очекуваните обврски на ЕУ, со што се нарушува и кредибилитетот на Унијата, оценува Советот на амбасадори на Северна Македонија, кој денеска се огласи со соопштение во врска со е.

Советот, се вели во соопштението од Извршниот одбор, смета дека институциите на ЕУ не треба да станат форум каде ќе се дебатира за историски прашања на народите, туку место каде ќе се расправа за продлабочување на пријателството меѓу народите, сеопштиот економски, социјален и културен просперитет, успешната борба против меѓународниот тероризам и искоренување на пандемијата КОВИД 19.

– Советот оценува дека постои недостаток на соработка и големи разлики во ставовите меѓу политичките чинители во земјата во однос на надминување на овој сериозен политички проблем, како и оти треба да се бараат посовремени начини на создавање на долгорочна стратегија на развој на добрососедските односи. Советот на Амбасадори и во оваа прилика ја изразува својата готовност да придонесе во осовременување на стратегијата за дијалог, бидејќи досегашната, по сите параметри, не ги даде очекуваните резултати, се вели во соопштението.

Советот на амбасадори, се вели во соопштението од Извршниот одбор, со големо разочарување ја прими одлуката на Советот за општи работи на Европската Унија да не препорача одржување на првата меѓувлaдина конференција меѓу Република Северна Македонија и ЕУ поради натамошното силно и неразбирливо спротивставување на само една земја членка на Унијата, соседна Република Бугарија.

– Советот смета дека ова е една од повеќето неправди што и се нанесени на нашата земја на нејзиниот пат кон евроинтеграциите од нејзиното осамостојување до денес иако земјата секогаш ревносно ги исполнува поставените барања од Унијата во делот на реформите во многу области на живеењето. Советот жали што овој пат Македонија и нејзините досега стабилни добрососедски односи со Бугарија на непримерен начин станаа дел од предизборната кампања во оваа земја членка на Унијата преку барања кои беа во спротивност со европските вредности, стандарди и принципи на дејствување, се вели во соопштението од Советот на Амбасадори.

Би можело да ве интересира

Спорот со Бугарија повторно предмет на дебати на министерскиот совет во ЕУ

А1он

Варвициотис: Вратата на Европа мора да биде отворена за Западен Балкан

Ана Ололовска

Преговорите со Скопје и Тирана на дневен ред на Советот на ЕУ денеска

Ана Ололовска

Заев – Дуда: Северна Македонија треба веднаш да ги започне преговорите со ЕУ за да се потврди дека европскиот проект е жив и атрактивен

А1он

Совет на Амбасадори: Северна Македонија непотребно стана дел на предизборната кампања во Бугарија

А1он

Димитров за проблемот со Бугарија: Не можете да создадете антиевропски критериум и тоа да ви биде услов за влез во ЕУ

Ана Ололовска