Сопствениците на отпадот во Визбегово што се запали ќе одговараат за загрозување на животната средија

Од:

Основното јавно обвинителство Скопје во координација со СВР Скопје – Единица за економски и компјутерски криминал поведе постапка против две физички и едно правно лице за кривично дело – Загрозување на животната средина и природата со отпад од член 230 од Кривичниот законик.

По преземените дејствија по наредба на јавен обвинител, полицијата денеска поднесе кривична пријава против сопственичката и неформалниот сопственик на правното лице од Шуто Оризари. Тие подолг временски период, спротивно на законските одредби од Законот за управување со отпад и спротивно на прописите за заштита на животната средина, складирале поголемо количество отпадно железо, електронски отпад, делови од стари автомобили, шасии од стари отпадни возила и друго на локација за која немале соодветна дозвола за управување со отпад.

На 9 јули, на локацијата бил предизвикан неконтролиран пожар на целата маса од складираниот отпаден материјал, а поради обемот и опасноста пожарот не можел веднаш да биде ставен под контрола. При согорувањето на отпадниот материјал биле испуштени чад, пепел и штетни гасови во амбиенталниот воздух и била предизвикана опасност за животот и здравјето на луѓето од поголеми размери.

По барање на јавниот обвинител, непосредно по настанот, Единицата за атомска, биолошка и хемиска одбрана на Армијата изврши мерења и детекција на хемиска и токсична индустриска контаминација при што утврди зголемено ниво на загадување. Во текот на предистражната постапка, Единицата за економски и компјутерски криминал на СВР Скопје веќе презеде голем број дејствија по наредба на јавниот обвинител, кои вклучуваат обезбедување на целокупната документација за работата на правниот субјект и на други докази. Вонреден инспекциски надзор на локацијата изврши и Државниот инспекторат за животна средина, при што беа констатирани неправилностите во работата и записникот беше доставен до обвинителството. Надлежниот јавен обвинител во следниот период ќе продолжи да презема дејствија, при што ќе изврши распити на повеќе лица и ќе нареди соодветно вештачење за целосно испитување на настанот.

Би можело да ве интересира

Алиу: За два дена над двесте прегледани лица во рамки на скринингот во Трубарево

Ангелов: Пожарот во депонијата кај Арачиново е подметнат

ЦУК: Од вкупно 22 пожари денес, само пет се активни

Ангелов: Полесно е повреден возачот од запалената цистерна на патот Гевгелија-Богданци

(ВИДЕО) Густиот чад од запалената цистерна на патот Гевгелија-Богданци предизвика паника кај локалното население

Се преврте цистерна на патот Гевгелија-Богданци, нафтата уште истекува, пожарот е изгаснат

Катерина Ѓуровски