СОНК реагира на неисполнувањето на договорот за зголемување на платите во високото образование

Од:

Самостојниот синдикат за образование, наука и култура (СОНК) денеска изрази незадоволство од институциите на системот, кои на директен или индиректен начин влијаеле врз неисполнување на договорот за зголемување на платите за 10 проценти во високообразовните институции, почнувајќи од јануарската плата.

Непобитен е фактот дека Министерството за образование и наука требаше да го реализира договореното зголемување на платите за 10 проценти од јануари 2020 година.

Доколку ова договорено зголемување не можело да се реализира заради законски или други пречки, МОН требаше најпрво да разговара и изнајде решение заедно со СОНК, како договарач со МОН, но, пред се и заради докажаната репрезентативност на национално ниво, во дејноста образование.

Спротивно на ова, МОН бараше „решение” со ректорите на државните универзитети, при што изнајдоа „соломонско” решение во рамките на универзитетите да иницираат формирање на нов универзитетски синдикат, којшто би бил репрезентативен.

Со тоа, би можеле да потпишат колективен договор на ниво на работодавач, кој би содржел еден член, а тоа би било само за зголемување на платите од 10 проценти, наведува СОНК во соопштението.

Според Синдикатот, ова е недозволиво и создава дополнително нови проблеми односно отвара можност работодавачите кога сакаат и како сакаат да може да формираат синдикални организации, а кога ќе нема потреба да ги згаснат.

Ваквите дејствија, сметаат од СОНК, се спротивни на националното зкаонодавство и на меѓународните конвенции.

Нереализирањето на веќе најавеното зголемување на платите, веат од СОНК, го нарушува одличниот партнерски однос кој досега го имале со ресорното Министерство.

Денес, како што наведуваат, се соочени со неизвеноста од носењето на законското решение со кое треба да се овозможи ветеното зголемување поради распуштањето на Парламентот.

Би можело да ве интересира

Омбудсманот бара МОН да мисли на децата со попреченост при изработка на протоколите за настава

А1он

МОН и Комисијата за заразни болести го одложија состанокот за протоколите

А1он

Состанокот на Комисијата за заразни болести за протоколите за училиштата продолжува утре

А1он

МОН: Мнозинството наставници и родители се за отворање на училиштата во септември

А1он

(ВИДЕО) МОН објави упатство за чистење на училиштата, за протоколите ќе го чека СОНК

А1он

МОН и Комисијата за заразни болести по викендов ќе ги утврдат протоколите за училиштата

Ана Ололовска