Времето претпладне во Македонија ќе биде сончево со мала до умерена облачност, а попладне со услови за локален краткотраен дожд и појава на грмежи. Ќе дува слаб до умерен ветер од западен и северозападен правец.
Утринската температура ќе се движи од 10 до 16, а дневната од 24 до 30 степени.
Во Скопје претпладне сончево со мала до умерена облачност, а попладне со услови за краткотраен дожд и ретки грмежи. Ќе дува слаб до умерен северозападен ветер. Утринската температура ќе се спушти до 14, а дневната ќе достигне до 27 степени.
Во наредните денови во претпладневните часови ќе преовладува сончево време, а попладне со локален пороен дожд и појава на грмежи. Дневните температури ќе бидат во благо опаѓање.
