Сончево и многу топло со температура до 37 степени

Од:

Времето во Македонија денеска ќе биде сончево и многу топло со мала до умерена облачност. Во западните делови ќе дува умерен ветер од западен, а во останатите слаб до умерен од северозападен правец. Кон крајот на денот не е исклучена изолирана појава на краткотраен пороен дожд со ретки грмежи.

dobivaj vesti na viber

Утринската температура ќе се движи од 11 до 19, а дневната од 31 до 37 степени. УВ-индексот ќе има вредност 8.

Во Скопје ќе биде сончево и топло со мала до умерена облачност и со слаб до умерен ветер од северозападен правец. Температурата ќе се движи од 16 до 36 степени.

Следува период на претежно стабилно и многу топло време. Мaксималните температури ќе бидат над 30, а долж Повардарието и над 35 степени. Преку денот ќе има појава на умерена облачност, а можна е и изолирана појава на краткотраен дожд и грмежи. Повеќе услови за нестабилност ќе има во сабота и во понеделник.

Поради топлотниот бран Министерство за здравство (МЗ) препорачува избегнување директна сончева изложеност и престој на отворено од 11 до 17 часот, носење светла и лесна облека, заштитни очила и капа, консумирање лесна храна и течности, најдобро обична вода и избегнување алкохолни пијалаци.

МЗ посебно препорачува хронично болните лица редовно да ја земаат пропишаната терапија.

– Во текот на ваквите екстремно топли денови, останете во затворени простории, пред се климатизирани, а при неопходен престој на отворен простор најдете можност за почести одмори под сенка. Пред влегување во возило, тоа да се проветри, да се внимава при подготовка и консумирање на храната, да се избегнуваат термички необработени производи како мајонез од домашни јајца и внимателно да се јадат сладолед и разни кремови, наведува Министерството.

Повеќе информации и препораки за заштита од топлотен бран континуирано се дистрибуираат на www.toplotnibranovi.mk.

Би можело да ве интересира

Променливо облачно време викендов, наместа со пороен дожд, грмежи и засилен ветер

Ана Ололовска

Променливо облачно и нестабилно, локално со дожд, град и силен ветер

Горан Наумовски

Претпладне сончево, попладне обилен дожд и силен ветер

Горан Наумовски

Денес и утре портокалова фаза во цела држава

Горан Наумовски

Пороен дожд и грмежи попладнево и утре

Ана Ололовска

Сончево и топло со температури до 27 степени

Ана Ололовска