Државната комисија за спречување на корупцијата ја избра Софка Пејовска Дојчиновска за нов заменик-претседател на денешната 90-та седница.
Таа доаѓа на местото на Катица Николовска, на која членовите на Антикорупциска и заблагодарија за досегашниот вложен труд.
-За следен заменик-претседател се предлага најстариот член, кој работи од првиот ден од формирањето на ДКСК, рече претседателката на Антикорупциската комисија, Билјана Ивановска пред гласањето.