Поранешниот претседател, а потоа член на Советот на јавни обвинители Костадин Кизов, инаку пензионер е награден од Комисијата за избори и именувања која го предложи за член на Судскиот совет.
Правни експерти за Сведок велат дека Кизовски по никој основ не може да биде избран за член на Советот, бидејќи тој е веќе пензиониран. Ова решение е објавено во Службен весник.
Во месец јули, Советот на јавни обвинители, каде што Кизов досега членуваше, донесе решение дека Кизов се разрешува од функцијата поради пензионирање, со што му престанува работниот однос заклучно со 31.08.2016 година.
Кизов, доколку биде избран за член на Судскиот совет, на таа функција може да остане само до 13 август.
Кизов, објави Сведок, е роден на 13 август 1952 година, и со навршени 64 години, според Решението на СЈОРМ, треба да замине во пензија, заедно со повеќе обвинители.
И Законот за Судски совет пропишал дека еден од условите за престанок на мандатот на член на советот е и исполнување на условите за старосна пензија.
Доколку Собранието го избере Кизов за член на Судскиот совет, ова ќе биде втор пат на флагрантно кршење на законите кога тој е во прашање, бидејќи нему кога беше јавен обвинител во Кичево, но не му беше трансформиран мандатот во траен. Но и покрај тоа со така недефинирана позиција и без статус на обвинител, спротивно на Закон беше избран за член, а потоа и на два пати за претседател на Советот на обвинители.
Советот на обвинители, спротивно на извештајот по барањето за автентично толкување на Законодавно правната комисија, според кој Законот за работни односи е јасен и маж може да бара продолжување на работниот однос до 67 години, одлучи да не ги продолжува мандатите на обвинителите по 64 години како до сега. Според некои од членовите на Советот, обвинителите немале работодавеч кому би ги доставувале барањата за продолжување на работниот однос.
Некои од обвинителите ќе ги обжалат решенијата и ќе поведат судска постапка, тврдејќи дека оваа одлука на Советот значи кршење на Законот..
