Соборот на СПЦ ќе расправа за продолжување на дијалогот со МПЦ

Од:

Владиците на Српската православна црква на Светиот архиерејски собор што денеска почнува во Студеница, а продолжува утре во Белград, треба да расправааат и за евентуалното продолжување на дијалогот со Македонската православна црква.

Како што пренесува Танјуг, на дневен ред најверојатно ќе се најде писмото што Синодот на МПЦ го упати до СПЦ за обновување на прекинатите преговори за надминување на меѓусебните несогласувања.

Според црковни извори, проблем во меѓусебната комуникација се условите што ги поставуваат двете страни, кои, како што се оценува, треба да се спуштат за да дојде до продолжување на дијалогот.

Високи претставници на СПЦ во повеќе наврати изјавуваа дека услов за продолжување на преговорите со МПЦ е ослободувањето на Јован Вранишковски, кој во Македонија издржува казна затвор за финансиска проневера.

Неодамна двајца митроплити на МПЦ Тимотеј и Пимен се изјаснија дека немаат ништо против Вранишковски да биде помилуван и ослободен ако тоа помогне за продолжување на дијалогот со Српската црква.

Синодот на МПЦ вчера одржа седница на која, како што беше објавено, не бил донесен никаков заклучок во однос на Вранишковски.

Македонските владици очекуваат конкретен чекор од СПЦ за продолжување на дијалогот за отвореното црковно прашање. Синодот на МПЦ минатиот месец испрати писма до вселенскиот патријарх Вартоломеј, до српскиот Иринеј и рускиот Кирил во кои се изразува желба за продолжување на преговорите и за поместување на состојбата во однос на статусот на МПЦ.

Би можело да ве интересира

Владиката Тимотеј за рускиот свештеник: Ние немаме информации дека бил шпион

Орце Костов

„Работи во Софија, а патува до Скопје за да внесе раскол во МПЦ“: Кој е рускиот свештеник Змеев кој доби забрана за влез во Македонија

Орце Костов

Расчинет свештеник крстел и венчавал со „благослов“ од г.г. Стефан: Венчаните се невенчани, крстените некрстени

Орце Костов

(ВИДЕО) Академик Ќулавкова: Се загрозуваат правата на жената

Горан Наумовски

Г.г Стефан: Собрани сме да им кажеме ДА на животот и на светоста на семејството оформено од еден маж и една жена

(ВИДЕО) Поглаварот Стефан: Жената ја изедначуваат со мажи кои никогаш нема да бидат жени

Горан Наумовски