За може да ја следи имотната состојба на функционерите и по напуштањето на функцијата, но и на сите останати граѓани, Државната комисија за спречување на корупцијата (ДКСК) инсистира на донесување закон за потекло на имот. Претседателката на ДКСК Билјана Ивановска вели дека анкетните листови за имотната состојба што ги пополнуваат избраните и именуваните лица не се доволни оти по завршување на функциите никој не ги следи.
„Сиот имот и не мора да се запише на сопствено име. Ни треба закон за потекло има имотот за да се постават сигурни темели во општеството, за секому да се знае од каде му е имотот. Ние немаме законско право да ги следиме избраните и именуваните лица откако ќе им заврши функцијата. Имотот може да се препише на друго име па после да се отпише“, вели претседателката Ивановска.
Таа најави анализа на имотната состојба за избраните и именуваните лица за тоа кои и со колкав имот заминуваат од функциите и колкав е имотот на оние што стапуваат на функции.