Смаиловиќ: Апасиев ме нарече муџахединка, а јас ги бришев коментарите што го навредуваат

Од:

Граѓанската активистка Мерсиха Смаиловиќ на Фејсбук соопшти детали од кривичната пријава за ширење омраза, која таа ја поднесе против пратеникот на Левица Димитар Апасиев.

dobivaj vesti na viber

Апасиев денеска одговараше пред надлежен обвинител за случајот, а потоа изјави дека добива закани за него и неговото семејство откако ги напишал статусите на Фејсбук за кои е отворен предмет во Јавното обвинителство.

Смаиловиќ објаснува дека пријавата е поднесена во јули, преку Хелсиншкиот комитет, за сторено кривично дело: Предизвикување национална, расна и верска омраза, раздор и нетрпеливост, а во врска со неговиот статус во кој Апасиев ја тагирал и напишал: „Поздрав до мојата колешка, атисемитска муџахединка Mersiha Smailovic од СДС- клеропатријахална“ и во продолжение на објавата следела фотографија со текст „гласам за секуларна држава“.

Во пријавата стои дека првичниот текст на објавата предизвикал омраза, раздор и нетрпеливост кон припадниците на муслиманската вера во Македонија.

„Со постот на Апасиев се распалуваат и подгреваат чувства на непризнавање нетолеранција, упатување навреди и омаловажување, но и бројни пораки од неговите приврзаници,“ вели Смаиловиќ.

„Денес тој немаше одговор на ова обвинување, туку рече дека на видеото на мојот фб профил го навредувале него и семејството. Дури и јас имам ниво на комуникација која ја толерирам, па така сите вулгарни пораки, навреди кон неговото семејство и недолични коментари, ги бришев. Дури и видеото со коментари е уште достапно, и може да се види дека коментарите со подршка на Апасиев ги оставив,“ додава активистката.

„Апасиев е Лидер на политичка партија, Пратеник во Сообрание, тој од таа позиција навредува и ѝ се заканува на граѓанска активистка. Јас поддржувам слобода на говор, но омалуважување, навреда, клевета и закана, тоа не, и треба судските органите КОНЕЧНО да го санкционираат ваквиот говор, од кого и да доаѓа,“ заклучува Смаиловиќ во објавата.

Би можело да ве интересира

Истрага за полов напад врз осумгодишно дете​ во Битола

Ана Ололовска

Скопјанец си го убил тримесечното бебе, со нозе го удирал по главата и телото

Катерина Павлова-Николовска

Четири години и шест месеци затвор за обвинет за Неовластено производство и пуштање во промет наркотични дроги

Ана Ололовска

Обвинение за несовесно работење на поранешен јавен обвинител

Ана Ололовска

Истрага за марихуана пронајдена во автомобил на наплатна станица Сопот

Ана Ололовска

Бугарски државјани осомничени за измама во Скопје, предложен притвор

Ана Ололовска