Амбасадорот на Република Словенија во Република Македонија Бранко Раковец, во рамки на денешната работна посета на Кочани се сретна со градоначалникот Ратко Димитровски.
На средбата амбасадорот Раковец беше запознат со потенцијалите на кочанското стопанство,можноста за извоз на ориз и инвестирање во геотермалниот потенцијал и Спортско-рекреативниот центар Пониква.
– Првпат сум во Кочани и пријатно сум изненаден од развојот на општината. Ја разгледавме можноста за инвестирање во кочанското стопанство, а исто така и да ја продлабочите меѓусебната соработка, рече амбасадорот Бранко Раковец.
Општина Кочани има веќе воспоставена соработка со општините Лашко и Крањ во Република Словенија,соработка која се очекува вда премине во збратимување.