Скопјанка е повредена во сообраќајна несреќа која околу 15 часот се случила на улицата Лука Геров во скопската населба Новоселски пат, објави Канал 5.
Жената возела „фиат“, а во еден момент, од засега непознати причини удрила во „сеат“ кој се движел од спротивен правец. По ударот, таа била нагмечена во автомобилот. Жителите на населбата притрчале да ја извлечат и повикале противпожарна екипа. Жената е пренесена во болница.
Причината за сообраќајката ќе се утврдува. Еден од очевидците за телевизијата изјавил дека веројатно на жената и се слошило пред сообраќајката и поради тоа изгубила контрола над возилото.