Вчеравечер нешто по 23 часот, во центарот на Скопје бил уапсен 35-годишен жител на градот, кој со себе носел мачета, соопшти полицијата.
„Полициски службеници од СВР Скопје на подрачјето на Центар синоќа во 23.15 часот, од слобода го лишиле К.Т.(35) од Скопје, бидејќи кај него била пронајдена мачета, со што сторил прекршок од Законот за оружје“, велат од полицијата.
Како што соопштија од МВР, тој постапил и спротивно на член 206 од Кривичниот законик, односно не ги почитувал донесените мерки за забрана за движење по 21.00 часот. По целосно документирање на случајот, против него ќе биде поднесен соодветен поднесок.