Во моментов тече прес конференцијата во СЈО. На пресот се специјалната јавна обвинителка Катица Јанева и обвинителките Фатиме Фетаи и Ленче Ристовска.
Јанева говори за непристрасноста на СЈО во постапувањето по предметите од прислушуваните разговори.
Обвинителката Фатиме Фетаи кажа дека СЈО го отвора предметот „Тортура“. Се работи за апсењето на Љубе Бошкоски, а првоосомничен е директорот на УБК.
СЈО бара да се отвори постапка против седум лица од МВР и до судот предлага да изрече мерка претпазливост.
Ова, рече Фетаи, е казниво по сите меѓународни стандарди и Кривичниот законик на РМ.
„Извршителите не криеле туку сакале јавноста да ја види бескрупулозноста на пресметката со политичкиот противник Бошкоски“, рече Фетаи.