Покрив од зграда во Мичурин одлета по силниот ветер кој го зафати Скопје. Интервенираше и скопската Противпожарна бригада. Лимот од покривот, според првичните информации не повредил никого, иако паднал на пешачката патека на улицата „Симеон Кавракиров“, близу контејерите.
Жители на Мичурин, велат дека покривот не е среден повеќе од 20 години, а од него претходно паѓале и греди.
Според станарите, покривната конструкција не е санирана повеќе од 20 години бидејќи општината Аеродром не дозволувала реконструкција, а со објаснување дека зградата не е легализирана. На местото пристигнаа и полициски службеници, додека пожарникарите проверуваат дали има опасност и остатокот од покривот да се откачи при нов ветер.
Ова не е првпат да има ваков инцидент. Минатите години, при невреме, се оторнуваа и кровови од згради во Карпош 4, кои го блокираа целиот булевар „Паризански одреди“.
