Гордана Сиљановска Давкова денеска го посети изборниот штаб на нејзиниот против кандидат Стево Пендаровски. Таа на „Твитер“ објави дека со присутните разговарале за фер и демократски изборен процес и избори без нерегуларности.
По вчерашнато кафе со Река, денес решив да го посетам и штабот на Стево.
Ѓорѓи Галетановски – Чомбе не ме пречека, ама со присутните заклучивме дека сите очекуваме фер изборен процес и избори без нерегуларности. pic.twitter.com/EdusDTRBWt— Гордана Сиљановска Давкова (@gogamkd) April 18, 2019
Таа на „Твитер“ напиша дека шефот на изборниот штаб во Скопје Ѓорги Галетановски не ја пречекал, на што тој на Фејсбук ѝ врати дека „му е мило што била во промотивниот штаб на Пендаровски“.
„Ама еве втор пат да ве потсетам дека јас не сум шеф на штаб на претседателот и сум на работа секој ден од 8 до 16 часот во скопската зоолошка. Ви се извинив за коментарот, а таму сигурно била младината и ве пречекале пријатно и ферски како што ни доликува. Во недела губиш катастрофално. Убав ден“, напиша Галетановски.
Пред неколку дена, ВМРО-ДПМНЕ побара Галетановски да биде отстранет од изборниот штаб на Пендаровски, бидејќи наводно ја навредувал Сиљановска на социјалните мрежи.