Предмет на жалба ќе биде решението на судијката Лидија Петровска што не им дозволи на адвокатите на одбраната, судот да побара од БЈБ и УБК копии од документацијата која била уништена на депото во Петровец, рече адвокатот на одбраната Љупчо Шврговски.
Според адвокатите на обвинетите Грујевски и на шесте службенички во УБК, документите не се уништени, постојат во другите оддели и тие се обновливи.
„Предмет на уништување биле безмлаку тривијални докумети, како лекарски уверенија, потврди за поправка на возила, пристап до чекалната на УБК, решенија за годишен одмор итн… Не ми е јасно од кои причини судот не сака да утврди целокупната вистина“, рече Шврговски пред новинарите по завршување на денешното рочиште.
„Нема ниеден уништен документ кој е направен со незаконско следење на комуникациите“, рече адвокатот Петар Василев.
Тој рече дека солунските бегалци на СЈО, според неговите информации, сè уште го издржуваат 40-дневниот екстрадициски притвор во близина на Солун.
„Тие повеќе не се во тој прифатен центар, каде беа неколку дена“, рече Василев. Адвокатот на Груејвски рече дека не верува оти освен адвокатите и членовите на семејството, некој дргу комуницира со нив во Грција.
В. Маглешов