Шлемовите не ги заштитија од сеирот и потсмевот

Од:

Лавина од критички исмејувања на социјалните мрежи предизвика посетата на владината свита на воениот полигон на Криволак. Коментарите главно се однесуваат на фотографиите каде што со шлемови на главите и двогледи во рацете министерката за одбрана Радмила Шекеринска, претседателот Стево Пендаровски, премиерот Зоран Заев, вицепремиерот Бјуар Османи, министерот за внатрешни работи Оливер Спасовски сериозно ја следат воената вежба.

Прашањата се однесуваат на тоа доколку шлемовите ги носат од безбедносни причини, зошто тие немале и панцири и слична опрема.

„Одамна шлемови не ме засмејале како вчера“, пишуваат граѓаните на социјалните мрежи, зачинувајќи го вчерашниот настан со комични фотографии.

Коментарите се движеа оттаму дека Шекеринска го држела шлемот како да држи круна, па дотаму дека шлемот на Пендаровски е закопчан од обратната страна.

„Ќе ти пишам после, ме донесоа на некоја воена вежба“, пишуваа граѓаните на Фејсбук, постирајќи фотографија од вицепремиерот Османи кој праќа пораки на мобилниот телефон со шлем на главата.

„Јас, како ја чекам платата на третиот ден од месецот“, ќе напише некој на социјалните мрежи, објаснувајќи ја фотографијата што следува.

Во продолжение следуваат дел од фотомонтажите кои кружеа на Фејсбук по посетата на владината делегација на Криволак.

Дел од граѓаните правеа фотомонтажи претставувајќи дека владините претставници со двогледите го лоцираат датумот за старт на преговорите со ЕУ,  а дел пак, дека тие гледаат во поранешниот премиер, азилант во Будимпешта, Никола Груевски.

Овој обид на Владата со кој требаше да се покаже сериозноста на Северна Македонија и нејзиното членство во НАТО очигледно предизвика контраефект.

Од коментарите може да се заклучи дека недовербата длабоко произлегува од слабоста на институциите да се справат со апсењето на екс премиерот во бегство, и низата политички мерки кои државата ја ставија во историска и политичка инфериорност.

Ана Василевска

Би можело да ве интересира

Шекеринска: Сегашната политичка опција ја донесе земјава до членство во НАТО и преговори со ЕУ

Ана Ололовска

Шекеринска: Сакаме со соседите да бараме решенија, а не игра на уцени, притисоци, кавги

Ана Ололовска

Пендаровски: Очекуваме јасна покана за почеток на пристапните преговори

Ана Ололовска

Пендаровски со став за оценката на Венецијанска откако таа ќе биде целосна и официјална

Ана Ололовска

Пендаровски: И Скопје и Тирана треба да почнат преговори, на сите во ЕУ им е јасно дека Северна Македонија испорача

Ана Ололовска

Пендаровски: Бугарија сигурно нема да го блокира датумот

Ана Ололовска