Откако ќе ве најават за гостин во Европарламентот во Брисел, одите во една просторија, каде што, со аеродромски јазик кажано се чекирате и ви даваат налепница дека сте гостин (малиот Никола ја имаше извадено, да не го срами).
Потоа, проаѓате скенерска контрола (пак како на аеродром) и влегувате во зградата.
Од она што го видов, снимката на изјавата на Груевски е направена на третиот спрат од зградата, кај преминот кој се вика Константин Караманлис (сиц).
Тука е дозволено снимањето на сите акредитирани новинарски екипи.
Официјалните средби и снимки од нив (со претседателот на ЕПП и еврокомесарот Хан) се остваруваат и снимаат на друго место. И на сосема поинаков начин. Кафе пиење по канцеларии и сликање по ходници, не е официјална средба.
На средби на маргините, не се дискутираат сериозно сериозни прашања. Латентно. Го прашале: што правиш, како си, те закача ли Катица, ама изгледа многу ти е страв од неа и сл.
Потсетувам, дека во ЕПП (Европска Народна Партија), ДПМНЕ-то е примено како партија од ФИРОМ.
Значи, после неофицијални средби на маргините, со претставници на ЕПП, каде е примен како ФИРОМ, малиот Никола, го снимале пропагандистите кај преминот кој се вика Караманлис.
Толку за големите лаги на малиот Никола, напиша на својот Фејсбук статус Петре Шилегов.