„Груевски и Ахмети глумат те кавга, те смирување, и со тоа намерно ја буткаат државата во политичка криза со цел да побегнат од одговорноста за вистинските проблеми на граѓаните, изјави денеска потпретседателката на СДСМ Радмила Шеќеринска.
Спасот на ВМРО-ДПМНЕ и ДУИ од новиот бран поскапувања, е заканата со избори, вели Шеќеринска , а владеачката коалиција е подготвена да се пазари за се само да ја зачува власта.
Законот за бранители кој вчера влезе во собраникса процедура по предлог на ВМРО ДОПМНЕ, според Шеќеринска е обид на Груевски и Ахмети да избегаат од одговорност и да ја дефокусираат јавноста од вистинските проблеми со кои се соочува Македонија-сиромаштија, невработенсот, поскапувања.
„Кога во 2008 година „Достоинство” предложи ист ваков закон за бранители, Груевски и Ахмети се договорија дека фотељите им се поважни и гласаа против. Сега во 2012 година, ВМРО-ДПМНЕ сами предлагаат закон за бранители за кој глумат те кавга, те договор, повтроно само за да си ги зачуваат фотељите. Тое е неодгворно и тоа ја турка Македонија во нови политичкли кризи. Стана јасно дека Груевски и Ахмети се спремни да се пазарат со се, ама да ја зачуваат својата власт.
– Денес граѓаните на Македонија бараат леб, бараат работа и спас од сиромаштијата. Во овој бран на поскапување, спасот на ВМРО-ДПМНЕ и ДУИ е да глумат кавги и помирување, да најавуваат, да се закануваат или охрабруваат со избори, ама не да ги решаваат вистинските проблеми. Тоа не е однесување на одгворни политичари“ , вели Шеќеринска
Таа им порача на Груевски и Ахмети да си ги реашат меѓусебните проблеми и јавно да излезат да кажат дали имаат нешто да им понудат на граѓните.