(ВИДЕО) Села: Мислам дека е време Албанец да биде претседател на државата

Од:

Алијанса за Албанците ќе има свој кандидат за претстојните претседателски избори што ќе се одржат во април.

Претседателот на АА, Зијадин Села, вели дека е време Македонија да добие претседател Албанец.

„Алијанса за Албанците ќе има свој кандидат и името ќе го објави откако ќе се договориме во партијата. Мислам дека е време Албанец да биде претседател на државата и така да пратиме порака за една нова Македонија ослободена од сите предрасуди. И така ќе бидеме едно општество за сите“, рече Села.

Тој додаде дека нема да се кандидира за претседателските избори. Според него консензуален претседател им одговара само на ДУИ.

„Јас не слушам дека има консензуален кандидат. ДУИ цела година договара. Консензуален беше и Ѓорѓе Иванов, тоа беше договор помеѓу ДУИ и ВМРО-ДПМНЕ. Така Албанците му помогнаа на Иванов да го победи Стево Пендаровски. Потоа се правдаат и не преземаат одговорност и не го прифаќаат претседателот. Сега повторно се впуштаат во иста игра со консензуален претседател. Консензуалноста треба да се реши со Устав и тој треба да се избере во Собрание. Ова им одговара само на ДУИ за да се скријат од својот срам, за работите што ги направија во изминатите години. Тогаш и Ѓорчев би можел да биде консензуален кандидат, зошто да не? За ДУИ се е во игра само за да си ги покријат трагите“, рече Села.

Исто така, рече дека Алијансата за Албанците е за предвремени парламентарни избори.

„Шарена револуција викаа нема правда, нема мир. Сега има мир, нема правда, затоа треба да има избори да се исчисти државата од политичари кои си носат закони за себе да не одговараат за своите криминали. Само така ќе дојде правдата која се најавуваше“, рече Села.

Габриела Димковиќ-Мишевска

Би можело да ве интересира

ВИДЕО: Алијанса за Албанците и Алтернатива маршираат за демократија

А1он

Алијанса за Албанците и Алтернатива најавија Марш за демократија

Ана Ололовска

(ВИДЕО) Села и Гаши: Го вративме Арачиново, убедливо водиме и во шестата изборна единица

Искра Манојлоска

ВИДЕО: Таравари не ја прифаќа подадената рака од ДУИ

Искра Манојлоска

Ниту маски, ниту дистанца на завршниот митинг на Алијансата за Албанците

А1он

Села бара разбирање од Хоти за ПЦР тестовите – на Твитер напиша дека ваквата мерка е политички мотивирана

Ана Ололовска