Секој што бил прислушуван сам ќе треба да тужи: Кривичен суд ги праќа на граѓанска постапка откако предметот застаре

Од:

Ако оштетените од масовното прислушување во Македонија сакаат да добијат надомест на штета, кривичниот суд ги советува тоа да го сторат преку граѓанска парница. Ова може да се прочита во решението за сопирање на постапката кое освен до обвинетите, почна да стигнува и до оштетените, а до кое дојде и А1он.

„Согласно член 114 став 3 од ЗКП, оштетените за предјавеното имотно правно барање – надомест на штета, спрема обвинетите Сашо Мијалков, Горан Грујевски, Надица Николиќ, Владимир Варелов, Марјан Шумуликоски и Васил Исакоски, се упатуваат на спор – граѓанска постапка“, стои во решението за запирање на постапката, а поради застарување на делото, бидејќи тоа следува по измените на Кривичниот законик од 6 септември годинава.

Во образложението на 22 страници освен имињата на оштетените, стои и целосно образложение како течела постапката, односно дека по првичната пресуда која носеше вкупно 55 години затвор и 10 години условни казни, Апелација ја поништи пресудата и предметот го врати на повторно судење.

„Се запира кривичната постапка покрената со обвинителен акт и предлог на Основното јавно обвинителство за гонење организиран криминал и корупција, поради постоење на околности кои што го исклучуваат гонењето – настанување на апсолутна застареност на кривичното гонење“, се наведува во решението со потпис на судијата Илија Трпков.

Предметот за прислушувањето го отвори некогашното Специјално јавно обвинителство под кодното име „Таргет“, но потоа овој предмет беше споен со „Тврдина“, кој се однесува на уништување на системите за прислушување.

Би можело да ве интересира

Судски совет утре ќе одлучува да за враќање на Шабани во Кривичен суд до завршување на „Талир“ и „Титаник“

А1он

Таткото на Вања останува во притвор: Кривичен го одби барањето на адвокатот Туфегџиќ за куќен притвор

Александар Тодески

Судијката Ристеска се враќа во Кривичен суд до објавување на пресудата за Ласкарци

Александар Тодески

Судски совет ќе ја враќа судијката Ристеска во Кривичен суд за да го спаси предметот Ласкарци

Александар Тодески

Кривичниот суд одреди триесет дена домашен притвор за уште едно лице за упадот во М-НАВ

Горан Наумовски

Миланов: Настанот во М-НАВ се случил зад грбот на Незири, без негово учество