Министерството за животна средина и просторно планирање информира дека мобилната мерна станица поставена во општина Ѓорче Петров е во функција, односно се мерат загадувачките супстанци “SO2”, “NO-NOx-NO2”, “CO”и “О3”.
Единствено, поради технички проблем, на 23 декември 2019 година е исклучен инструментот за симултано мерење на “РМ10” и “РМ2.5” и од тогаш не е во функција, информираат од МЖСПП.
Моментално, во тек е процедура за објавување на тендер за набавка на резервни делови, меѓу кои и неопходниот дел за посочениот инструмент.
Со набавка на резервните делови, инструментот ќе се сервисира и калибрира, а потоа ќе биде вклучен во системот, а податоците од мерењата од овој инструмент ќе бидат јавно достапни на веб страницата за квалитет на воздухот http://air.moepp.gov.mk , информираат од МЖСПП.