Денеска на граничниот премин Богородица-Евзони има подолга колона за влез во Грција, на грчка страна, информира Министерството за внатрешни работи.
„Во делот на Република Северна Македонија нема застој и поминувањето на границата е без проблеми, но се создава застој на грчка страна.
На граѓаните кои чекаат за влез во Грција им се дели вода додека се во граничниот простор.“, велат од МВР.
Дел од возачите се излезени од своите возила, а останатите свират во знак на револт поради долгото чекање.
Од седум ленти за пропуштање на возилата низ граница, работат само три. Колоните се од едната до другата страна на границата, со што станува невозможно да се пропуштаат возила од македонска кон грчка страна.