„Скоро една недела го нема Груевски да и објасни на македонската јавност зошто имаше потреба од полициска бруталност дента кога беа исечени дрвјата пред хотелот Бристол.
– Нема одговор ни на прашањето зошто токму на тоа место мора да се изгради зградата на СРД, а не на било која друга локација во Скопје, на пример во општините Кисела Вода или Гази Баба.
– Уште еднаш ги повикуваме советниците на ВМРО-ДПМНЕ во општина Центар, со помош на полицијата и другите органи на власта, да ги идентификуваат лицата кои им попречиле да присуствуваат на вчерашната вонредна седница на Советот пред хотелот Бристол.
– Доколку во рок од 5 дена нема разврска на случајот, ќе сметаме дека советниците на ВМРО-ДПМНЕ лажат, и во тој случај советничката група на Сојузот за иднината ќе поднесе тужба за клевета, се вели во реакцијата на СДСМ на соопштението на ВМРО-ДПМНЕ во врска со изјавата на Мирослав Шиповиќ, претседател на Советот на општина Центар.
