СДСМ: Унгарскиот кредит е политички мотивирана одлука на Мицкоски и ВМРО-ДПМНЕ

Од:

СДСМ со сите институционални механизми ќе се спротивстави на реализација на одлуката за земање кредит од пола милијарда евра од Будимпешта, велат од партијата.

„Тврдиме дека оваа одлука ќе ја стави земјата во политичко и економско заложништво на друга држава и нема никаква економска и финансиска оправданост. Кредитот според досега достапните податоци воопшто не е поповолен од оние кои преку Европската инвестициска банка беа обезбедени за СДСМ за компаниите и стопанството. Наместо кредитирање преку проверени финансиски инструменти кои позитивно ќе влијаат на кредитниот рејтинг на земјата, Мицкоски во четири очи договорил кредит со кој се ризикува соработката со реномирани финансиски институции“, се вели во соопштението на СДСМ и се додава дека е „јасно дека станува збор за политички мотивирана одлука на Мицкоски и ВМРО-ДПМНЕ, а кои ќе бидат влијанијата на Унгарија преку оваа соработка допрва ќе се види“.

Од опозициската партија велат дека медиумите во Унгарија веќе шпекулираат дека овој кредит е крајно мистериозен и чуден, ако се земе предвид дека самата Унгарија ги плаќа своите заеми поскапо од кредитот за Македонија.

„Во оваа зделка веќе силно мириса на политички договор кој ќе има трајни штети и по стратешките позиции на земјата, но и сериозни финансиски импликации. СДСМ прави детални анализи на достапните податоци и ќе ја разотркие вистината позади оваа одлука на Владата на Мицкоски“, стои во партиското соопштение.

Би можело да ве интересира

Филипче од Велес: СДСМ имаше пет иницијативи за раст на платите, ВМРО-ДПМНЕ ги одби сите

Мицкоски: ДУИ не враќа назад, Левица руши и безмилосно ја цицаат и самата партија, а Филипче мисли на Дубаи

Мицкоски: СДСМ настапува со слоганот „се бориме за нашиот дом“, а заборавија дека до пред година дена управуваа со домот кому му ги уништија темелите

Герасимовски: Поставуваме две монтажни гаражи со 900 нови паркинг места

Мицкоски: Aпликацијата m.Uslugi е симбол на нова ере, ќе ја промени државата од корен

СДСМ: 90% лаги на Орце, од 30 капитални ветувања нема остварено ниту едно