СДСМ Скопје против Арсовска: Загадувањето на воздухот не е намалено заради ветерот, туку поради мерките на Градот

Од:

Арсовска продолжува да ги манипулира Скопјани со шарени лаги и ветувања за невозможни проекти. Загадувањето на воздухот во Скопје според официјалните мерења е намалено од 71 mg/m3 на 48 mg/m3 ПМ10 честички за само четири години, што е пад на просечната вредност од 33% од последната година на Скопје со Коце Трајановски се вели во реакцијата од СДСМ-Скопје на прес конференцијата на Данела Арсовска.

– Загадувањето не е намалено заради ветер, туку заради мерките што континуирано ги спроведуваа Град Скопје и владата.
Досега Градот Скопје додели над 7.500 инвертери, и изгаснати се 10.000 активни оџаци во Скопје. Поради намалената цена за топлинска енергија, околу 2.000 исклучени домови повторно се приклучија кон централното парно греење. На 100 државни згради им се сменети котлите за греење и елиминирани се како загадувачи. Дрисла е вратена во рацете на градот, а огромен број диви депонии се санирани, а дел се претворени во градски паркови.Загадувањето во Скопје бележи континуиран пад во последните години, а за време на владеењето на ВМРО-ДПМНЕ Скопје беше шампион во аерозагадување во Европа. Загадувањето во Скопје и натаму ќе продолжи да паѓа со нови 5 милиони евра за субвенции за инвертери, со зголемување на бројот на велосипедски патеки и субвенции за велосипеди, со воведувањето на брз автобуски превоз со ултраеколошки еко-автобуси, како и со постепено отстранување на тешката индустрија од Скопје во новиот ГУП. Тоа се мерки кои што даваат конкретни резултати, и затоа воздухот во Скопје е многу почист отколку пред 2017 година, кога ВМРО-ДПМНЕ предизвика еколошка катастрофа во Скопје, се вели во писмената реакција од СДСМ Скопје.

Би можело да ве интересира

Левица: Скандалозниот тендер на Јанушев од еден милион евра заврши кај поранешен советник на СДС во Струмица

(ВИДЕО) Јанковиќ: Вицепремиерот Арбен Фетаи не сака да одговара на македонски јазик, тврди „уште не бил спремен“

ВМРО-ДПМНЕ: СДСМ ги штити Виктор Димовски, Еролд Муслиу и Љупчо Коцевски

Филипче од Париз: Потребен е проактивен пристап и политички консензус за напредок кон ЕУ

И СДСМ обвинува дека преку тендер кој го распишал Јанушев ќе се финансира кампањата на ВМРО-ДПМНЕ

Катерина Ѓуровски

СДСМ: Орце Ѓорѓиевски ги лаже скопјани со „EXIT“