СДСМ Штип: Захариев да го објасни проблемот со незаконската реконструкција на дел од Трговскиот центар во Штип

Од:

„Во интерес на граѓаните, бараме градоначаникот Илчо Захариев веднаш да излезе пред штипската јавност и да даде објаснување за проблемот со незаконската реконструкција на дел од Трговскиот центар во Штип.

Градоначалникот Захариев, на сопствениците на деловниот простор во холот на трговскиот центар, им издал Одобрение за реконструкција и доградба.

Но, Захариев оваа постапка ја направил на незаконски начин и крајно нетранспарентно, за што Здружението на сопственици на деловен простор во Штип поднело жалба“, рече на денешната прес конференција Владимир Милошев, претседател на ОО СДСМ Штип.

„Поради констатирани незаконитости Министерството за транспорт и врски на почетокот на месец август донело Решение за поништување на Одобрението за реконструкција и доградба на трговскиот центар во Штип и предметот го вратило на повторување на постапката.

За овој скандал градоначалникот на ВМРО-ДПМНЕ, Илчо Захариев молчи и се крие од јавноста.

Захариев ниту се појави во јавноста да објасни зошто го прекршил Законот за градба, ниту пак зошто не постапил согласно Решението и не ги стопирал градежните работи до конечно завршување на управната постапка.

Прашуваме, зошто до ден денес се нема произнесено Основниот суд во Штип ?

Зарем за Илчо Захариев не важат Законите на државата и мислењето на граѓаните?

Градоначалникот Захариев е должен да одговори дали објектот во моментов е дивоградба и кој ќе ја сноси одговорноста за незаконското постапување“, праша Милошев.

Би можело да ве интересира

Герасимовски го посети штандот на ЈП „Паркинзи на Општина Центар“: Информативни табли со QR-код за брзо плаќање

(ВИДЕО) Трајановски: СМАРТ-осветлување во сите паркови и дворови на градинките и училиштата

СДСМ: Предлог-буџетот за 2026 година е признание за економската неспособност на Владата

Катерина Ѓуровски

(ВИДЕО) Д-р. Трајановски: Поддршка на млади претприемачи

(ВИДЕО) Велковски: Со поддршката од Ашиковски одиме на победа во вториот круг, време е Лозово пак да се развива

Филипче од Јакреново: Таму каде што СДСМ има градоначалници, има резултати