„Во неможност да се сокрие по катастрофалната состојба во којашто ја доведе болницата во Штип и лажните, неисполнети ветувања пред граѓаните, нервозата на ВМРО-ДПМНЕ станува се поголема и поголема.
Министерството за здравство треба да знае дека политиките на мачкање на очи и манипулација на граѓаните повеќе не поминуваат.
Вистината, фактите говорат дека 9 години власта на ВМРО-ДПМНЕ ги лаже штипјани и ветува изградба на нова болница во Штип пред секои изборни циклуси.
Штипјани знаат дека во времето пред доаѓањето на власт на оваа криминална групација на ВМРО-ДПМНЕ, којашто направи пустош во целото општество а најмногу во здравството, во болницата во Штип изградени се неколку болнички објекти, и тоа со сопствени средства, а не со кредити.
Тоа се Инфективното одделение, Детското оддление, блокот во којшто е сместено рентген одделение, лабораторијата, очното и ушното одделение. Сите овие одделенија денеска се запустени и во многу лоша, кататрофална состојба. Во што се претворени и на што личат овие објекти денес, сведоци се самите пациенти.
Во време на СДСМ, за прв пат пациентите од Штип и регионот добија Компјутеризирана томографија, која дотогаш ја немаше во болницата.
Во времето на СДСМ комплетно е реновиран целиот оперативен хируршки блок, отворени се нови операциони сали, со комплетно нова опрема.
Единствен успех на ВМРО-ДПМНЕ е што во изминатите девет години ја уништи боницата во Штип, го загрози здравствениот систем, ги понижи пациентите и го урниса достоинството на медицинскиот персонал“, се вели во соопштението на СДСМ Штип.