Како што се ближи денот на изборите така правопропорционално расте и стравот во ВМРО-ДПМНЕ од поразот што ги очекува во Град Скопје. Како што се зголемува стравот кај ВМРО-ДПМНЕ така се зголемува и пласирањето на лажни вести и невистини. Денеска пропадна уште една, нова лага на ВМРО-ДПМНЕ за наводно незаконско постапување, реагира СДСМ на прес-конференцијата на Димче Арсовски од ВМРО-ДПМНЕ.
„Како што јавно информира и ЈП Водовод и Канализација Скопје, реконструкцијата на водоводна и канализациска мрежа на улица „Варшавска“ е спроведена согласно законските прописи и и градежните стандарди и нормативи. Градежни активности од посочената фирма не се започнати без претходно слкучен посебен договор, како што денеска се обиде да излаже ВМРО-ДПМНЕ преку својот портпарол.
Очигледно дека ВМРО-ДПМНЕ не планираат да понудат ниту еден проект, ниту едно решение за скопјани па целата кампања ќе ја водат со лажни вести, манипулации, обиди за конструирани скандали кои немаат врска со реалноста.
Затоа во белиот дворец не треба да се чудат што ги очекува убедлив пораз во главниот град но и во најголем број од општините низ државата. Со лажни вести, со деструкции и манипулации Мицкоски и ВМРО-ДПМНЕ може да очекуваат само уште еден нов, седми по ред пораз од граѓаните“, се додава во реакцијата на СДСМ.
