„Се отвораат вратите за влез во НАТО и почеток на преговорите со ЕУ, на референдумот се бира иднина или изолација
Со решавањето на македонско-грчкиот спор се отвораат вратите за влез на Македонија во НАТО и почеток на преговорите со ЕУ, со зачуван и зајакнат македонски идентитет.
Имаме историска шанса да ја обезбедиме македонската иднина. Сонот на многу генерации, стремежот на нашите предци е на дофат, на нас е да го исполниме целосно, во интерес на сите граѓани коишто живеат во Република Македонија.
Јасно е, со поддршка на македонско-грчкиот Договор, поддржуваме Македонија да стане дел од ЕУ и НАТО, го обезбедуваме нашиот идентитет.
Прашањето на референдумот е јасно и едноставно – иднина или изолација.
Доколку Христијан Мицкоски има малку одговорност и сериозност, јавно ќе излезе и ќе каже за која опција навистина е.
Обединети се сите политички партии кои навистина се за ЕУ и НАТО, а само Мицкоски и раководството на ВМРО-ДПМНЕ се изолирани и се против интергација, во обид да одбранат криминал.
Без разлика на антидржавното и неодговорно однесување на ВМРО-ДПМНЕ, граѓаните на Македонија ќе ја искористат историската шанса за напредок.
На референдум ќе изберат иднина, ќе кажат ДА за нормална, демократска, напредна, сигурна и просперитетна држава за сите, членка на ЕУ и НАТО“, се вели во соопштението на СДСМ.